قشوط: من ينتقد الجيش الليبي عقله محشو بـ”العناد والمكابرة”

الوطن|رصد

انتقد المحلل السياسي محمد قشوط المحللين السياسيين الذين يهاجمون الجيش الليبي ووصفهم بـ”ذوي العقولة المحشوة بالعناد والمكابرة”.

واتهم قشوط، في منشور على صفحته بفيسبوك، من يصف الجيش الليبي بـ”ميليشيات حفتر” بأنه “يكذب على الليبيين بعار المدنية والتمدن والديمقراطية”، وأضاف: “نقولك أن الـجـيـش فك على ليبيا راية سوداء في درنة وبنغازي كانت حترفرف فوق حوشك وكنت في وقتها حتقدم البيعة و الاستتابة و أنه نفس الجيش حرر الموانئ النفطية وسلمهالك وخلاك زايط في فلوسه وسط طـرابـلـس اللي لعبتو فاها وخربتو حياة كل الليبيين معاكم لانه كل شي من مؤسسات ومعاملات مربوط بيها بحكم المركزية”

وتابع قشوط : “الجيش اللي ماسك عليه كلمة ما هو  “صدام وخالد ” من إمساعد إلى سـرت وأنزل إلى حدود اوباري وغات عنده قائد في الرجمة يوم يصدر أمر ولو على الموت مافيش حد ايناقش او إيقول الناقة معاه فلا كتيبة ترفض ولا لواء يعتدي على لواء بل سمع وطاعة وتمام يا أفندي بس”.

واختتم بالقول: “النموذج هذا 10 سنوات ماقدرتش اطبقه في المنطقة الغربية وطرابلس تحديداً اللي قسمتوها مربعات وعلى خاطر بنت أو سيارة تقلبوها لحرب تموت فيها ناس وتحرق ممتلكات وتختموها بلا عزاء لشامتين وتقولو سبب المشاكل هو حفتر !! يوم تقدر أدير ربع اللى داره حفتر تعال بعدين اناقشوك يا ” هرواك ” وغير هكي استمر في القتل وحروبكم وعيش مع المدنية متاعك”